لاہور: قومی کرکٹ ٹیم کے کھلاڑی دورہ انگلینڈ مکمل کرکے وطن واپس پہنچ گئے، ایئرپورٹ پر جذباتی مناظر بھی دیکھنے میں آئے، کرکٹرز اپنے بچوں سے مل کر خوشی سے نہال ہوگئے۔
تفصیلات کے مطابق انگلینڈ سے کرکٹرز لاہور ایئرپورٹ پہنچے، ون ڈے کپتان بابر اعظم، عماد وسیم، شاہین آفریدی کاؤنٹی کرکٹ کے باعث برطانیہ ہی میں قیام کریں گے، جبکہ شعیب ملک بھی انگلینڈ میں رہیں گے۔
وقار یونس انگلینڈ سے آسٹریلیا روانہ ہوگئے، قومی ٹیم کے ہیڈ کوچ اور چیف سلیکٹر مصباح الحق پیر کوپریس کانفرنس کریں گے، اس دوران ٹیم کی کارکردگی اور مستقبل کے لائحہ عمل پر بات چیت کریں گے۔
ایئرپورٹ پر اظہر علی نے اپنے بیٹے کو گلے لگا کر پیار کیا جس کی ویڈیو وائرل ہے۔ اسی طرح وہاب ریاض ایئرپورٹ سے گھر جاتے ہوئے گاڑی میں اپنے بچوں سے محبت کا اظہار کررہے تھے۔
So nice to be back with family after over 2 months missed them a lot… @TheRealPCBMedia @TheRealPCB pic.twitter.com/xg1b0ote8V
— Azhar Ali (@AzharAli_) September 2, 2020
And this is who we do it for❤️
Great to be home back with family after a long 2 month trip
Family give you the best joy like no other 🤗 pic.twitter.com/LqTOSOySkF
— Wahab Riaz (@WahabViki) September 2, 2020
خیال رہے کہ گزشتہ دنوں پاکستان ٹیم نے مانچسٹر میں کھیلے جارہے سیریز کے آخری میچ میں کامیابی حاصل کرکے دورے کا اختتام کامیابی سے کیا اور ٹی ٹوینٹی سیریز 1-1 سے برابر کی، محمد حفیظ کو مین آف دی میچ قرار دیا گیا تھا۔