دبئی: مسلم لیگ کے قائد نواز شریف دبئی سے سعودی عرب روانہ ہوگئے ہیں، جہاں وہ تقریباً ایک ہفتہ قیام کریں گے۔
ذرائع کے مطابق نواز شریف کا سعودی عرب میں قیام دو ہفتے تک ہوسکتا ہے اس دوران انکی سعودی شاہی خاندان اور دیگر شخصیات سے ملاقاتیں ہوں گی۔
ذرائع کا بتانا ہے کہ اس دورے کے دوران نواز شریف کا مشرق وسطیٰ کے سرمایہ کاروں سے تبادلہ خیال بھی متوقع ہے۔
نواز شریف سعودی عرب میں قیام کے دوران عمرہ ادا کریں گے، سعودی عرب کے دورے کے دوران مریم نواز بھی ان کے ہمراہ ہونگی۔