بالی ووڈ کے آنجہانی اداکار رشی کپور کو دنیا سے گزرے آج چار برس بیت گئے۔
فوٹو اور ویڈیو شیئرنگ ایپ انسٹاگرام پر آنجہانی اداکار رشی کپور کی اہلیہ نیتو نے شوہر کے ساتھ یادگار تصویر شیئر کی اور ساتھ ہی جذباتی پیغام بھی لکھا۔
ماضی کی تصویر میں نیتو کپور کو شوہر کے ساتھ خوشگوار موڈ میں دیکھا جاسکتا ہے۔
نیتو کپور نے لکھا کہ ’چار سال گزر گئے لیکن آپ کے بغیر یہ زندگی ایسی نہیں ہے جیسے آپ کے ساتھ تھی۔‘
View this post on Instagram
رشی کپور کی صاحبزادی ردھیما کپور نے بھی انسٹاگرام اسٹوری پر والد کی برسی پر بچپن کی خوبصورت تصویر شیئر کی اور لکھا کہ ’ہم جن سے پیار کرتے ہیں وہ کبھی دور نہیں ہوتے، وہ ہر روز ہمارے ساتھ رہتے ہیں۔‘
واضح رہے کہ نیتو کپور اور رشی کپور 1980 کو شادی کے بندھن میں بندھے تھے دونوں نے کئی فلموں میں ایک ساتھ اداکاری کے جوہر دکھائے۔
رشی اور نیتو کے دو بچے رنبیر کپور اور ردھیما کپور ہیں، رنبیر کپور نے اداکارہ عالیہ بھٹ سے شادی کی اور ان کی ایک بیٹی راہا کپور ہے جبکہ ردھیما کپور کی شادی بھرت ساہنی سے ہوئی تھی۔
یاد رہے کہ رشی کپور 30 اپریل 2020 کو 67 سال کی عمر میں چل بسے تھے وہ ’لیوکیمیا‘ کے مرض میں مبتلا تھے۔