وفاقی حکومت اور فلار ملز ایسوسی ایشن کے درمیان مذاکرات کامیاب ہو گئے۔ ملک بھر کی فلار ملز معمول کے مطابق کام کریں گی۔
مذاکرات کی صدارت وفاقی وزیراحد چیمہ نے کی جب کہ مذاکرات میں وفاقی وزیر خزانہ محمد اورنگزیب، وزیرمملکت علی پرویز ملک، چیئرمین ایف بی آر شامل ہوئے۔
فلار ملز ایسوسی ایشن کے سنٹرل چیئرمین عاصم رضا سمیت چاروں صوبوں کے چیئرمین شریک ہوئے۔
ترجمان فلورملز ایسوسی ایشن نے بتایا کہ فلارملز پر انکم ٹیکس ایکٹ کا سیکشن 153اے لاگو نہیں ہوگافلارملز کمیشن سسٹم کے تحت آٹا فروخت کریں گی ۔
ترجمان کے مطابق آٹا ڈیلرز اور پرچون فروش فلارملز کا آٹا فروخت کرنے پر فی تھیلا کمیشن لیں گے، کمیشن کی رقم پرانکم ٹیکس ایکٹ کے تحت ود ہولڈنگ ٹیکس لاگو ہوگا جن ہول سیلرز اور ریٹیلرز کی سالانہ سیل دس کروڑ سے کم ہے وہ آئندہ برس ود ہولڈنگ ٹیکس نیٹ میں شامل ہوں گی۔
آئندہ مالی سال کے فنانس بل میں آٹا کاروبار پر ٹیکس اصلاحات کو شامل کیا جائے گا۔