طاقت کے نشے میں دھت اسرائیل کھلی دھمکیاں دینے لگا۔ نیتن یاہو نے حزب اللہ کو وارننگ دے دی۔
اسرائیلی وزیر اعظم بنجمن نیتن یاہو کا کہنا ہے کہ میرا مشورہ ہے حزب اللہ وہ سیکھے جو حماس نے حالیہ مہینوں میں سیکھا ہے کوئی دہشت گرد محفوظ نہیں ہے۔‘
اس کے بعد انہوں نے اسرائیلی فوج کے پہلے بیان کی بازگشت کی اور شمالی اسرائیل میں پرامن رہنے کا مطالبہ کیا۔ ان کا کہنا تھا کہ اگر ہم کر سکتے ہیں تو ہم سفارتی ذرائع سے کریں گے اور اگر نہیں تو ہم دوسرے طریقوں سے کام کریں گے۔
نیتن یاہو نے کابینہ کے اجلاس کے دوران جنگ کے تین اہداف کا بھی اعادہ کیا کہ حماس کا خاتمہ، ہمارے تمام یرغمالیوں کی واپسی، اور یہ وعدہ کہ غزہ اب اسرائیل کے لیے خطرہ نہیں بنے گا۔
سینئر اسرائیلی اہلکار بینی گینٹز جو جنگی کابینہ کا حصہ ہیں، نے ایکس پر پوسٹ کیا کہ اسرائیل حزب اللہ کے ساتھ "سفارتی حل” میں دلچسپی رکھتا ہے اگر کوئی نہیں مل سکا تو اسرائیل کی فوج اس خطرے کو دور کر دے گی۔