موٹرویز پر گاڑی داخلے سے متعلق نئی شرط عائد

موٹرویز پر گاڑیوں کے داخلے سے متعلق نئی شرط عائد کر دی گئی۔

موٹرویز پر حادثات پر قابو پانے کے لیے وزیر مواصلات مولانا اسعد محمود کا اہم فیصلہ سامنے آگیا۔ موٹرویز پر داخلے کے لیے گاڑی کا فٹنس سرٹیفکیٹ لازمی قرار دے دیا گیا۔

بغیر فٹنس سرٹیفکیٹ کسی بھی گاڑی کو موٹروے پر داخل نہیں ہونے دیا جائے گا۔ اس حوالے سے وزیر مواصلات نے آئی جی موٹرویز خالد محمود کو ہدایت جاری کر دیں۔

مولانا اسعد محمود کا کہنا ہے کہ آئی جی موٹرویز چاروں صوبائی سیکرٹری ٹرانسپورٹ کو خط لکھ کر فیصلے سے آگاہ کریں۔

ان کا کہنا تھا کہ موٹروے پر فٹنس سرٹیفکیٹ لازمی قرار دینے سے حادثات میں کمی آئے گی شہریوں کے موٹرویز پر محفوظ سفر کے لیے ہر ممکن اقدامات اٹھائیں گے۔