پنجاب اسمبلی میں پی ٹی آئی کا نیا اپوزیشن لیڈر کون ہو گا؟

9 مئی کیس میں پنجاب اسمبلی کے اپوزیشن لیڈر سمیت 32 پی ٹی آئی کارکنوں کو سزا سنا دی گئی۔

تحریک انصاف نئے اپوزیشن لیڈر کے حوالے سے کل تک فیصلہ کرے گی اس حوالے سے پارلیمانی پارٹی کا اجلاس منعقد ہو گا جس میں نئے اپوزیشن لیڈر کا نام فائنل ہو گا۔

پی ٹی آئی کی جانب سے معین ریاض کو اپوزیشن لیڈر بنانے کا امکان ہے۔

رکن اسمبلی رانا شہباز کا کہنا ہے کہ احمدبھچر کل بھی ہمارے اپوزیشن لیڈر تھے اور آج بھی ہیں ہمیں اعلی عدلیہ سے انصاف ضرور ملے گا، پنجاب اسمبلی میں ڈپٹی اپوزیشن لیڈراب اپوزیشن لیڈر کا کردار ادا کریں گے۔

اے آر وائی نیوز سرگودھا کے نمائندے عبدالحنان کے مطابق انسداد دہشتگردی کی عدالت سرگودھا میں 9 مئی میانوالی ہنگامہ آرائی اور توڑ پھوڑ کیس کی سماعت ہوئی۔ عدالت نے فریقین کے دلائل سننے کے بعد فیصلہ سنایا۔

https://urdu.arynews.tv/may-9-case-punjab-opposition-leader-ahmed-bhajar-32-pti-workers-sentenced/

اے ٹی سی کے جج محمد نعیم شیخ نے پی ٹی آئی سے تعلق رکھنے والے پنجاب اسمبلی کے اپوزیشن لیڈر احمد خان بھچر کو 10 سال قید کی سزا سنائی۔

عدالت نے احمد خان بھچر سمیت 32 کارکنوں کو دس، دس سال قید کی سزا سنائی ہے۔

9 مئی واقعات پر اپوزیشن لیڈر احمد خان بھچر سمیت پی ٹی آئی کارکنوں پر دہشتگردی کی دفعات کے تحت مقدمہ درج تھا۔

واضح رہے کہ اس سے قبل بھی 9 مئی کیسز میں پی ٹی آئی کے متعدد کارکنوں کو عدالت سے سزائیں سنائی جا چکی ہیں۔