کراچی : ایس ایچ اوز کی تعیناتی و تبادلے کا نیا طریقہ کار جاری کردیا گیا، صاف سروس ریکارڈ والے اہل افسران ہی ایس ایچ او بن سکیں گے۔
تفصیلات کے مطابق آئی جی سندھ غلام نبی میمن نے ایس ایچ اوز کی تعیناتی وتبادلے کا نیا طریقہ کارجاری کردیا
قبل ازوقت تبادلےکی اجازت ٹھوس وجوہات اور ڈی آئی جی کی منظوری سے مشروط کردی گئی ہے۔
ایک سال مکمل کرنے والے افسر کی 3 سال تک اسی تھانے میں دوبارہ تعیناتی نہیں ہوگی۔
اپنے ضلع میں پوسٹنگ پر پابندی اور آئی جی کی منظوری سے تعیناتی ہوگی جبکہ صاف سروس ریکارڈ والے اہل افسران ہی ایس ایچ او بن سکیں گے۔
آئی جی سندھ کا کہنا تھا کہ کرپشن، نااہلی یا مقدمات کا سامنا کرنے والے افسران نااہل ہونگے، ایس ایچ اوکی مدت کم از کم ایک سال مقرر ہوگی۔