نیوزی لینڈ کی ویمن کرکٹر ایمیلی کر کا بچپن کا خواب پورا ہوگیا۔
نیوزی لینڈ کی ویمن کرکٹر ایمیلی کر نے اپنی ٹیم کو پہلی بار ٹی 20 ورلڈکپ جتوادیا، ایمیلی نے 9 سال کی عمر میں مضمون لکھا تھا کہ وہ نیوزی لینڈ کے لیے ورلڈ کپ جیتیں گی اور ایسا انہوں نے کردکھایا ہے۔
ایمیلی نے جنوبی افریقہ کے خلاف فائنل میں شاندار کارکردگی دکھائی اور پلیئر آف دی میچ بھی قرار پائیں۔
ایمیلی کر نے پلیئر آف دی ٹورنامنٹ کی ٹرافی بھی اپنے نام کی۔
واضح رہے کہ ایمیلی کے نانا سابق کرکٹر ہیں جبکہ ان کی بہن بھی کیوی اسکواڈ کا حصہ ہیں۔
جنوبی افریقی ٹیم لگاتار دوسرے فائنل میں بھی ناکام رہی اور نیوزی لینڈ کے ہاتھوں شکست کھا کر ٹائٹل اپنے نام نہ کر سکی۔
گزشتہ روز دبئی میں کھیلے گئے فائنل میں جنوبی افریقہ 159 رنز کے تعاقب میں 126 رنز تک محدود رہی۔ افریقی کپتان لوراوو لوارٹ 33رنز بنا سکیں جب کہ امیلیاکر اور روز میری میئر نے 3،3وکٹیں حاصل کیں۔
اس سے قبل نیوزی لینڈ نے پہلے کھیل کر 5 وکٹوں پر 158رنز بنائے۔ امیلیا 43، بروک 38 اور سوزی بیٹس 32رنز کے ساتھ نمایاں رہی۔
جنوبی افریقا کی جانب سے ملاباکی2، ڈی کلرک، ٹرائیون اور کھاکا نے ایک،ایک وکٹ حاصل کی۔