رائے پور: آسٹریلیا اور بھارت کے درمیان کھیلے جانے والے چوتھے ٹی 20 میچ سے قبل بی سی سی آئی کی نااہلی سامنے آگئی۔
بھارتی میڈیا رپورٹس کے مطابق بھارت اور آسٹریلیا کے درمیان آج چوتھے ٹی 20 میچ کی میزبانی کرنے والے رائے پور کے شہید ویر نارائن سنگھ اسٹیڈٰیم میں واجبات کی عدم ادائیگی پر بجلی کا کنکشن کاٹا جاچکا ہے۔
رائے پور اسٹیڈیم کا بجلی کا بل ہی ادا نہیں ہوا، اسٹیڈیم کا بل 10.61 کروڑ روپے ادا نہ ہونے کے باعث اسٹیڈیم کے بجلی کے کا کنکشن پانچ سال قبل کاٹ دیا گیا تھا۔
بھارتی میڈیا کا کہنا ہے کہ بجلی کا بل 2009 سے ادا نہیں کیا گیا، جس کی وجہ سے اسٹیڈیم کا بجلی کا کنکشن 5 سال قبل کاٹ دیا گیا تھا۔
تاہم چھتیس گڑھ کرکٹ ایسوسی ایشن کی درخواست پر آج اسٹیڈیم میں عارضی طور پر بجلی کا کنکشن دے دیا گیا ہے۔
بھارتی میڈیا کے مطابق عارضی کنکشن میں صرف تماشائیوں کی گیلری اور باکسز کو بجلی کا کنکشن دیا گیا، میچ کے دوران اسٹیڈیم کی فلڈ لائٹس کو جنریٹر سے چلایا جائے گا۔
بھارتی میڈیا کا کہنا ہے کہ پبلک ورکس ڈپارٹمنٹ اور اسپورٹس ڈپارٹمنٹ بل ادا نہ ہونے پر ایک دوسرے پر ذمہ داری ڈالنے لگے۔
واضح رہے کہ پانچ میچز کی ٹی 20 سیریز میں بھارت کو آسٹریلیا کے خلاف 2-1 کی برتری حاصل ہے۔