بھارت نےدریائے چناب کے بعد ستلج میں بھی پانی چھوڑ دیا جس کے بعد پی ڈی ایم اے نے فلڈالرٹ جاری کر دیا۔
پی ڈی ایم اے کے مطابق بھارت نے ہریکے کے مقام سے 70614 کیوسک پانی دریائےستلج میں چھوڑا، پانی آج رات ضلع قصور گنڈاسنگھ کے مقام سے پاکستانی حدودمیں داخل ہوگا۔
پی ڈی ایم اے نے ڈپٹی کمشنر قصور، اوکاڑہ، وہاڑی، پاکپتن کو پیشگی انتظامات کرنےکی ہدایت کر دی۔
الرٹ میں ہدایت کی گئی ہے کہ تمام اضلاع ریلیف کیمپس کا قیام عمل میں لائیں لوگوں کومحفوظ مقامات پر منتقل کرنے کیلئے اقدامات اٹھائے جائیں۔
ڈی جی پی ڈی ایم اےعمران قریشی کا کہنا ہے کہ پیشگی انتظامات کے ذریعےلوگوں کےجان و مال کو یقینی بنایا جا سکتا ہے شہری دریاؤں اور نہروں کےقریب جانے سے گریز کریں۔