نوشہرہ: شوہر نے ناراض بیوی کے گھر والوں پر فائرنگ کر دی جس کے نتیجے میں ساس، سسر اور بیوی کا بہنوئی جاں بحق ہوگئے۔
تفصیلات کے مطابق نوشہرہ کے گاؤں ٹیٹارہ میں گھریلو تنازع پر فائرنگ کا واقعہ پیش آیا ہے، بیوی شوہر سے ناراض ہوکر اپنے والدین کے گھر آئی ہوئی تھی۔
پولیس کا کہنا ہے کہ ملزم عامر کی بیوی کافی عرصے سے ناراض ہو کر میکے میں بیٹھی ہوئی تھی، آج بیوی کو منانے کی کوشش کے دوران ملزم کی سسرالیوں سے تکرار ہوئی تھی۔
اس تکرار کے دوران ملزم نے فائرنگ کردی جس کے نیتجے میں 3 افراد جاں بحق ہوگئے، فائرنگ کے بعد ملزم فرار ہو گیا، جس کی تلاش جاری ہے۔
پولیس کے مطابق جاں بحق ہونے والوں میں مشتاق خان 70 سال، زوجہ مشتاق عمر 60 سال، حیات عمر 53 سال شامل ہیں۔
https://urdu.arynews.tv/punajb-woman-dies-after-drinking-spray/