اسلام آباد : اسلام آباد ہائی کورٹ میں پی ٹی آئی چیئرمین عمران خان کےوارنٹ معطل کرنے کیلئے درخواست پر بائیومیٹرک اور دستخط کے اعتراضات دور کردیئے گئے۔
تفصیلات کے مطابق اسلام آباد ہائی کورٹ میں پی ٹی آئی چیئرمین عمران خان کےوارنٹ معطل کرنےکیلئےدرخواست پر سماعت ہوئی۔
اسلام آباد ہائی کورٹ کے چیف جسٹس عامر فاروق نے کیس کی سماعت کی، عمران خان کی جانب سے خواجہ حارث، علی گوہر، علی بخاری، بابر اعوان و دیگر عدالت پیش ہوئے۔
شبلی فراز، سیمی ایزیدی، عامر کیانی، شہزاد وسیم، صداقت علی عباسی بھی کمرہ عدالت موجود ہیں۔
چیف جسٹس نے کہا کہ ابھی تو آپ کی درخواست فکس نہیں ہوئی، فکس ہوگی تو سماعت کروں گا، جس پر وکیل خواجہ حارث کی آج ہی درخواست پر سماعت کرنے کی استدعا کردی۔
چیف جسٹس عامر فاروق نے کہا کہ اس عدالت نے درخواست سن کرڈائرکشن دی تھی مگر افسوس کہ کیا ہوا توخواجہ حارث کا کہنا تھا کہ
آپ ہمیں سن لیں ہم قانون کے تحت عدالت کو مطمئن کریں گے۔
اس عدالت نے پہلے ریلیف دیا تھا مگر اس عدالتی احکامات کا کیا بنا، عدالتی احکامات پرعملدرآمد نہ ہوا اسکے کیا نتائج ہوسکتے ہیں دیکھیں گے۔
دوران سماعت اسلام آبادہائیکورٹ نے بائیو میٹرک اور دستخط کے اعتراضات دور کر دئیے ، چیف جسٹس ہائیکورٹ کی عمران خان کے وکیل کو باقی اعتراضات دور کرنے کی ہدایت کی۔
چیف جسٹس نے مسکرا کر ریمارکس دیئے آپ لوگ پریشان ہیں بخاری صاحب بھی پریشان ہیں ، جس پر ، وکیل خواجہ حارث نے کہا سارا ملک ہی پریشان ہے۔