کراچی : سول ایوی ایشن اتھارٹی نے ملک کے بڑے ایئرپورٹس پر اومیکرون کی روک تھام کے لئے اقدامات کا آغاز کیا گیا ہے، برطانیہ سے پاکستان پہنچنے والے تمام مسافروں کی مکمل طبی جانچ پڑتال شروع کردی گئی۔
کراچی، اسلام آباد اور لاہور ایئرپورٹ پر محکمہ صحت کی ٹیمیں مکمل طور پر فعال ہیں، برطانیہ سے براہ راست اور کنیکٹنگ پروازوں کے ذریعے پاکستان پہنچنے والے تمام مسافروں کے ایئرپورٹ پر ریپڈ اینٹیجنس ٹیسٹ شروع کردیئے گئے۔
کنیکٹنگ پروازوں کے ذریعے آنے والے مسافروں کی فہرست ایئرلائن کی جانب سے محکمہ صحت کو پہلے سے فراہم کی جارہی ہے۔
ترجمان سی اے اے کا کہنا ہے کہ برطانیہ، خلیجی ممالک اور سعودی عرب سے آنے والے مسافروں کے ریپڈ ٹیسٹ لئے جارہے ہیں۔
سی اے اے کے مطابق برطانیہ سے پاکستان آنے والے مسافروں کی پرواز سے اڑتالیس گھنٹے قبل کورونا پی سی آر ٹیسٹ کی رپورٹ محکمہ صحت کا عملہ ایئرپورٹ پر چیک کر رہا ہے۔