سابق صوبائی وزیر مکیش کمار چاولہ کی نیب انکوائریز کے خلاف درخواست پر سندھ ہائیکورٹ نے تحریری حکم نامہ جاری کردیا۔
عدالت نے مکیش کمار کو نیب انکوائریز میں گرفتار نہ کرنے کا حکم دیدیا.
عدالت نے ہدایت کی کہ میکش کمار کو محکمہ خوراک اور ایکسائز اینڈٹیکس سیشن کی انکوائریز میں گرفتار نہ کیا جائے مکیش کمار نیب کے ساتھ تحقیقات میں تعاون کریں اور نیب جب بھی مکیش کمار کو طلب کریں تو پیش ہوں۔
حکم نامہ میں کہا گیا ہے کہ انکوائری کے تفتیشی افسر آئندہ سماعت پر انکوائریز کا ریکارڈ پیش کیا جائے۔ عدالت نے مزید سماعت 12 ستمبر تک ملتوی کردی۔
وکیل مکیش کمار کا کہنا ہے کہ نیب کی جانب سے کوئی کال اپ نوٹس موصول نہیں ہوا ہے خدشہ ہے کہ نیب گرفتار نہ کرلے۔