مظفرآباد: سپریم کورٹ نے آزاد کشمیر میں 6 ماہ میں بلدیاتی انتخابات کرانے کا حکم دے دیا، اور کہا کہ 2017 کی مردم شماری پر حلقہ بندیاں کر کے الیکشن کرائے جائیں۔
تفصیلات کے مطابق جسٹس خواجہ نسیم، جسٹس رضا علی اور جسٹس یونس طاہر پر مشتمل ایک فل کورٹ نے آزاد کشمیر میں بلدیاتی انتخابات کرانے کا حکم دے دیا ہے۔
سپریم کورٹ نے کہا کہ 45 دن میں مردم شماری کے مطابق حلقہ بندیاں کریں، اور اگست 2022 سے قبل آزاد، شفاف اور غیر جانب دار الیکشن کرائیں۔
مظفرآباد سپریم کورٹ کی جانب سے ہائی کورٹ کی رٹ کے خلاف ہجیرہ میونسپل کمیٹی و دیگر مقدمہ بنام آزاد حکومت کیس میں اپیل پر فیصلہ سنایاگیا۔
بلدیاتی الیکشن میں شکست: پی ٹی آئی رہنماؤں نے بڑا مطالبہ کردیا
واضح رہے کہ خیبر پختون خوا میں بلدیاتی الیکشن کے پہلے مرحلے میں پاکستان تحریک انصاف کو غیر متوقع طور پر شکست کا سامنا کرنا پڑا ہے۔
یہ شکست اتنی غیر متوقع تھی کہ پی ٹی آئی ارکان شش وپنج میں مبتلا ہو گئے ہیں، اس شکست کی وجوہ جاننے کے لیے انھوں نے وزیر اعظم عمران خان سے انکوائری کرنے کا مطالبہ کیا ہے، ارکان نے کہا کہ شکست کی آزادانہ انکوائری کی جائے۔