اسلام آباد : پاک فضائیہ نے1971 کی پاک بھارت جنگ کے ہیرو فلائٹ لیفٹیننٹ غلام مرتضیٰ شہید کے جنگی کارناموں پر مبنی دستاویزی فلم جاری کرتےہوئے انہیں زبردست خراج عقیدت پیش کیا۔
تفصیلات کے مطابق پاک فضائیہ کی جانب سے 71 کی جنگ کے شہدا کو خراج عقیدت پیش کرنے کا سلسلہ جاری ہے ، پاک فضائیہ نے انیس سو اکہتر کی پاک بھارت جنگ کے ہیرو فلائٹ لیفٹیننٹ غلام مرتضیٰ شہید کو خراج عقیدت پیش کیا۔
پاک فضائیہ کے شعبہ تعلقات عامہ نے انیس سو اکہتر کی پاک بھارت جنگ کے ہیرو فلائٹ لیفٹیننٹ غلام مرتضیٰ شہید اور جاویداقبال کے جنگی کارناموں پر مبنی مختصر دورانیے کی دستاویزی فلم جاری کردی۔
ڈاکیومنٹری میں پاکستان کے ان جانباز بیٹوں کے ولولہ انگیز اور بےخوف جنگی کارناموں کو اجاگر کیا گیا ہے، جنہوں نے وطن عزیز کی خاطر اپنی جان کا نذرانہ پیش کرتے ہوئے شہادت کا عظیم رتبہ حاصل کیا۔