کراچی (02 ستمبر 2025): شہر قائد کے علاقے احسن آباد میں 10 سے زائد ڈاکوؤں نے ایک فیکٹری لوٹ لی۔
تفصیلات کے مطابق کراچی میں احسن آباد فیز ون میں فیکٹری میں 10 سے زائد لٹیروں نے لوٹ مار کی واردات کی ہے، ڈاکوؤں نے فیکٹری کے چوکیدار کو کئی گھنٹے یرغمال بنا کر تشدد بھی کیا۔
فیکٹری مالک نے بتایا کہ ڈاکو 25 مشینیں، 3 لیپ ٹاپ اور دیگر سامان لے کر فرار ہوئے، قیمتی سامان کو گاڑیوں میں لوڈ کر کے لے جایا گیا، واقعے کی اطلاع سائٹ سپر ہائی وے تھانے کو دے دی ہے۔
سی سی ڈی پنجاب کی ایک اور کارروائی، پشاور سے تعلق رکھنے والے ملزمان گولیاں لگنے سے ہلاک
ادھر کراچی کے علاقے ماڈل کالونی ریلوے لائن کے قریب مبینہ پولیس مقابلے میں ایک ڈاکو زخمی حالت میں گرفتار ہوا جب کہ اس کا ساتھی فرار ہو گیا، ملزم کی شناخت شہریار کے نام سے ہوئی ہے جس سے اسلحہ اور موٹر سائیکل برآمد کی گئی۔
کراچی کے علاقے سرجانی ٹاؤن میں ایک واردات کے دوران شہری کی فائرنگ سے ایک ڈاکو زخمی ہوا جب کہ اس کا ساتھی فرار ہو گیا، پولیس کا کہنا ہے کہ زخمی ملزم سے چھینے گئے موبائل فون برآمد ہوئے، پولیس اس سے مزید تفتیش کر رہی ہے۔ پولیس کا کہنا ہے کہ ملزم ساتھی کے ہمراہ ایک شہری سے ڈکیتی کی واردات کر رہا تھا، زخمی ڈاکو کی شناخت وسیم کے نام سے ہوئی ہے جسے اسپتال منتقل کر دیا گیا ہے۔
