Blog

شوبز انڈسٹری کی معروف اداکارہ سائرہ یوسف اور اداکار عدیل حسین کے افیئر کی خبریں گردش کرنے لگیں۔

سائرہ یوسف اور عدیل حسین نے 2011 میں نجی ٹی وی ڈرامہ سیریل سے اپنے کیریئر کا آغاز کیا تھا، دونوں کو حقیقی زندگی میں بھی اکثر مختلف مواقعوں پر ساتھ دیکھا گیا۔

آخری بار عدیل حسین کو سائرہ یوسف کے کپڑے کے برانڈ کی لانچنگ اور ایک شادی میں دیکھا گیا تھا۔

یہ پڑھیں: کیا سائرہ یوسف دوسری شادی کر رہی ہیں؟

تاہم اب سائرہ یوسف اور عدیل حسین کی تصویر سوشل میڈیا پر گردش کر رہی ہے جس سے ان کے تعلقات کے بارے میں بحث چھڑ رہی ہے۔

عدیل حسین نے حال ہی میں اپنے انسٹاگرام اکاؤنٹ پر ایک تصویر شیئر کی ہے جس میں ان کی بھانجی اور سائرہ یوسف ایک ساتھ مسکرا رہے ہیں۔

اداکار نے پوسٹ شیئر کرتے ہوئے کسی کا نام لیے بغیر لکھا کہ ’آپ کو اپنی زندگی کہنے پر خود کو خوش قسمت سمجھتا ہوں۔‘

سوشل میڈیا صارفین انہیں ایک ساتھ دیکھ کر کافی پرجوش ہیں اور بہت سے لوگوں کا خیال ہے کہ عدیل حسین کا کیپشن سائرہ یوسف کے لیے ہے۔

سابق پاکستانی اداکارہ سدرہ بتول نے لکھا کہ اگر یہ سچ ہے تو میں ان دونوں کے لیے خوش ہوں۔ ایک اور نے تبصرہ کیا، "واہ، میرا نصیب کے بعد سے میں ان سے ہمیشہ محبت کرتا ہوں، اگر وہ ایک ساتھ ہیں یا شادی کرنے کا ارادہ رکھتے ہیں تو یہ بہت اچھی خبر ہے۔

سوشل میڈیا صارفین کا کہنا ہے کہ سائرہ یوسف کو زندگی میں آگے بڑھنے اور خوش رہنے کا حق ہے، میں اس کے لیے خوش ہوں، وہ اس کی مستحق ہے۔

دوسری جانب ایک مداح نے کہا کہ کیپشن عدیل کی بھانجی کے لیے تھا۔

شوبز انڈسٹری کی معروف اداکارہ رمشا خان کی ’بریانی‘ کے سیٹ سے تصاویر وائرل ہوگئیں۔

فوٹو اور ویڈیو شیئرنگ ایپ انسٹاگرام پر اداکارہ رمشا خان نے تصاویر شیئر کیں جس میں انہیں ’بریانی‘ کے ساتھی اداکار خوشحال خان کے ساتھ خوشوار موڈ میں دیکھا جاسکتا ہے۔

ویڈیو میں اداکارہ ہیئر اسٹائلسٹ سے بال بنوا رہی ہیں اور ایک تصویر میں سیلفی لے رہی ہیں۔

رمشا خان نے تصاویر شیئر کرتے ہوئے کیپشن میں لکھا کہ ’اسٹار ملے گا۔‘

 

View this post on Instagram

 

A post shared by Ramsha Khan (@ramshakhanofficial)

انہوں نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔

واضح رہے کہ رمشا خان اے آر وائی ڈیجیٹل کے ڈرامہ سیریل ’بریانی‘ میں مرکزی کردار نبھا رہی ہیں جس میں ان کے ساتھ خوشحال لیڈ رول میں موجود ہیں۔

اداکارہ رمشا خان نے کہا ہے کہ جو عزت نہ دے انہیں میں زندگی سے نکال دیتی ہوں۔

اس سے قبل انٹرویو میں اداکارہ کا کہنا تھا کہ والدہ نے میری تنہا پرورش کی، جس کی وجہ سے میری والدہ مجھے کوئی نہ کوئی کام کرنے کا کہتی رہتی تھیں لیکن میں گھر میں سارا دن فون پر آن لائن گیمز کھیلتی رہتی تھی۔

اداکارہ نے کہ ہر وقت گیم کھیلنے سے تنگ آکر میری والدہ نے مجھے کوئی نہ کوئی کام کرنے کا کہا، جس پر امیں نے ایک ٹیلنٹ ایجنسی میں جاکر آڈیشن دیا، جہاں مجھے اشتہارات کے لیے منتخب کرلیا گیا۔

رمشا خان نے اس انٹر ویو میں تعلقات اور دوستی سے متعلق سوال کے جواب میں اپنے واضح اصولوں کا ذکر کرتے ہوئے کہا کہ میں لوگوں کو دوسری بار موقع ضرور دیتی ہوں، خاص طور پر اگر اُن سے کوئی غلطی ہو جائے، لیکن اگر کوئی شخص میری بے عزتی کرے، تو میں اُسے اپنی زندگی سے مکمل طور پر نکال دیتی ہوں۔