Blog

شوبز انڈسٹری کی معروف اداکارہ ماریہ ملک نے شوبز انڈسٹری کے منفی پہلوؤں پر خاموشی توڑ دی۔

اداکارہ ماریہ ملک نے کم عرصے میں بھی شوبز میں اپنی شناخت بنائی، اے آر وائی ڈیجیٹل کے ڈرامہ سیریل ’دل ہی تو ہے‘ میں مرکزی کردار نبھا چکی ہیں۔

انہوں نے کہا کہ انڈسٹری میں آنے کے بعد محسوس کیا کہ نئے اداکاروں کو معاون کرداروں کی پیشکش کی جاتی ہے، معاون کرداروں سے بھی شروعات کی اور پھر اس نے چند کرداروں کو مسترد کردیا کیونکہ وہ مرکزی ادا کرنا چاہتی تھیں۔

یہ پڑھیں: ماریہ ملک نے پرپوز کرنے والے کو کیا کہا؟ ویڈیو وائرل

ماریہ ملک کے مطابق پروڈیوسر اس وقت اعتراض کرتے ہیں جب آپ انہیں کردار کے لیے ’نہیں‘ کرتے ہیں اور بعد میں جب انہیں کامیابی ملی تو وہی پرڈیوسر ان کے ساتھ اچھے تھے۔

اداکارہ نے کہا کہ یہ عام طور پر ایک محفوظ جگہ ہے لیکن کچھ لوگوں کے لیے ایسا نہیں ہے، انہیں کسی قسم کی ہراسانی کا سامنا نہیں کرنا پڑا لیکن انہوں نے دوسروں کی کہانیاں سنی ہیں جو اس سے گزرے ہیں۔

انہوں نے مزید کہا کہ وہ ان کے لیے برا محسوس کرتی ہیں اور جانتی ہیں کہ ایسی چیزیں ہوتی ہیں، وہ اس پر مزید کوئی تبصرہ نہیں کریں گی کیونکہ اب انہوں نے اب تک انڈسٹری میں خود کو محفوظ محسوس کیا ہے۔

بالی ووڈ کی جوڑی سدھارتھ ملہوترا اور کیارا ایڈوانی کی ایک ماہ کی بیٹی کی تصویر آن لائن لیک ہوگئی۔؟

بھارتی میڈیا رپورٹ کے مطابق اداکار سدھارتھ ملہوترا اور کیارا ایڈوانی چند ماہ تعلقات میں رہنے کے بعد 2023 میں شادی کے بندھن میں بندھے۔

سدھارتھ اور کیارا نے 2021 میں کیپٹن وکرم بترا کی وار بائیوپک ’شیرشاہ‘ میں مرکزی کردار نبھایا اور سیٹ پر دونوں کو محبت ہوگئی۔

ان کے ہاں رواں سال 16 جولائی کو بیٹی کی پیدائش ہوئی۔

یہ پڑھیں: کیارا ایڈوانی اور سدھارتھ ملہوترا بیٹی کے والدین بن گئے

سدھارتھ اور کیارا نے بیٹی کی پیدائش کے بعد نو فوٹو پالیسی اپنائی اور میڈیا، پاپا رازی سے درخواست کی کہ ان کی پرائیویسی کا خیال رکھیں۔

 

View this post on Instagram

 

A post shared by | | (@sidz_fan_girl)

ان کا کہنا تھا کہ جب ہم والدین کے اس نئے سفر میں اپنا پہلا قدم اٹھاتے ہیں تو ہم امید کرتے ہیں کہ ایک خاندان کے طور پر اس سے لطف اندوز ہوں گے، معنی رکھتا ہے اگر یہ خاص وقت نجی رہ سکتا ہے، لہٰذا کوئی تصویر نہیں لے صرف دعائیں چاہئیں۔

تاہم حال ہی میں سوشل میڈیا پر سدھارتھ اور کیارا کی بیٹی کی تصویر سوشل میڈیا پر گردش کرنے لگی لیکن فیکٹ چیک ٹولز نے تصدیق کی ہے کہ یہ وائرل تصاویر اے آئی سے تیار کردہ ہیں۔

واضح رہے کہ سدھارتھ اور کیارا نے بچی کی تصویر شیئر کرنا تو دور کی بات اس کا نام بھی نہیں بتایا ہے۔