قومی ٹیم کے سابق فاسٹ بولر شعیب اختر نے انجیکشن لگواتے ہوئے ویڈیو شیئر کردی۔
تفصیلات کے مطابق سابق اسپیڈ اسٹار شعیب اختر نے ویڈیو شیئر کرتے ہوئے لکھا کہ ’پاکستان کے لیے کھیلنے کا جذبہ آج بھی زندہ ہے۔‘
ویڈیو میں شعیب اختر کو گھٹنے میں انجیکشن لگواتے اور اس دوران برداشت کیے جانے والے درد سے کراہتے ہوئے دیکھا جاسکتا ہے۔
شعیب اختر نے ویڈیو کے کیپشن میں لکھا کہ ’پاکستان کے لیے کھیلنے کے دوران جو تکالیف اٹھائیں، اگر ایک بار پھر موقع ملے تو دوبارہ یہ تکالیف اٹھانے کو تیار ہوں۔‘
The pain i took for playing for Pakistan. But I'd do it all over again if given another chance.
Since there's a two month delay in my operation, this is what i had to resort to. pic.twitter.com/mrcJnLEdEa— Shoaib Akhtar (@shoaib100mph) December 11, 2021
سابق فاسٹ بولر نے انجیکشن لگوانے کی وجہ بتاتے ہوئے کہا کہ چونکہ میرے آپریشن میں دو ماہ کی تاخیر ہوئی ہے لہٰذا مجھے اس انجیکشن کا سہارا لینا پڑا۔
خیال رہے کہ اس سے قبل سابق کرکٹر نے سوشل میڈیا پیغام کے ذریعے مداحوں کو اپنی گھٹنوں کی سرجری کے حوالے سے اطلاع دی تھی۔
شعیب اختر نے اپنے پیغام میں بتایا تھا کہ وہ جلد ہی گھٹنوں کی سرجری کے لیے آسٹریلیا کے شہر میلبرن جا رہے ہیں۔