افغانستان کیخلاف ٹیم میں کوئی تبدیلی ہو گی؟

افغانستان کے خلاف پیر کو آئی سی سی ورلڈکپ کے میچ میں قومی ٹیم میں کوئی تبدیلی نہیں کی جائے گی۔

آسٹریلیا کیخلاف کھیلنے والی ٹیم کل افغانستان کیخلاف کھیلے گی۔ اوپنرفخر زمان نے بھی نیٹس میں بیٹنگ کرنا شروع کر دی ہے تاہم وہ میچ نہیں کھیل پائیں گے۔

فخرزمان جنوبی افریقا کےخلاف میچ میں دستیاب ہو سکتے ہیں۔

قومی کرکٹ ٹیم ورلڈ کپ میں اپنے اگلے دو میچز کھیلنے کے لیے چنئی پہنچ گئی ہے جہاں وہ کل افغانستان اور جمعے کو جنوبی افریقہ کے خلاف میدان میں اترے گی۔

https://urdu.arynews.tv/ramiz-raja-tips-afghanistan-as-favorites-against-pakistan/

میچ سے ایک روز قبل پاکستان کرکٹ ٹیم کے اوپنر امام الحق نے چنئی میں پریس کانفرنس کی جس میں انہوں نے اعتراف کیا کہ ہماری ٹیم آخری دو میچز اچھے نہیں کھیل سکی لیکن کم بیک کریں گے اور کل افغانستان کے خلاف پاکستان کی نئی ٹیم نظر آئے گی۔

امام الحق نے کہا کہ ہم نے فیلڈنگ بھی خراب کی اور اہم مواقع پر کیچز چھوڑے۔ پریکٹس کر رہے ہیں اور کوشش ہے کہ غلطیوں میں پر قابو پائیں۔