سابق کرکٹر باسط علی نے بھارت کے خلاف ٹاس جیتنے پر کہا ہے کہ ہم ٹاس جیت چکے اب بالرز کا فرض ہےکہ بہترین کھیلیں۔
نیویارک میں ورلڈکپ ٹی ٹوئنٹی ورلڈکپ کے ہائی وولٹیج مقابلے میں پاکستانی کپتان بابراعظم نے ٹاس جیتا اور بولرز کے لیے سازگار کنڈیشنز میں پہلے بولنگ کرنے کو ترجیح دی۔
اے آر وائی نیوز کے پروگرام میں گفتگو کرتے ہوئے باسط علی نے کہا کہ ناساؤ اسٹیڈیم میں 135رنز کا ہدف بھی بڑا ہو گا اور شروع کے 6 اوورز میں بیٹنگ لائن کو سنبھال کر رکھنا ہوگا اب ہمارے پاس میچ کو کنٹرول کرنے کی گنجائش ہے۔
پروگرام میں شریک کامران اکمل نے کہا کہ بالرز کا فرض ہو گا کہ جلدی وکٹیں لےکر بھارت کو دباؤ میں لائیں جتنا بھی ہدف ملے گا ہمارے بلے بازوں کو حاصل کرنا پڑے گا۔
کامران اکمل نے کہا کہ پاک بھارت میچ میں گراؤنڈ کی کنڈیشن بلےبازوں کےلیے مشکل ہے بلےبازوں کو وکٹ پر سنبھل کر کھیلنا ہو گا، قومی ٹیم کومیچ میں وقت ضائع کیے بغیر جلدی فیصلے کرنےہوں گے۔