لاہور: گور نر پنجاب چوہدری سرورکا کہنا ہے کہ 5اگست کو یوم استحصال منایا جائے گا، 22کروڑ پاکستانی کشمیریوں کیساتھ ہیں،امن کیلئے مسئلہ کشمیر کا حل ،بھارتی دہشت گردی کا خاتمہ لازم ہوچکا ہے۔
تفصیلات کے مطابق گور نر پنجاب چوہدری سرورسے صوبائی وزیر سعید الحسن شاہ کی ملاقات ہوئی ، ملاقات میں گورنر پنجاب نے کہا کہ پاکستان کی کوششوں سے افغانستان میں امن عمل آگے بڑھا، افغان امن کےلئے پاکستان جوکر سکتا ہے کر رہا ہے اور کرےگا۔
چوہدری سرور کا کہنا تھا کہ پاکستان کو غیرمستحکم کرنیوالے عناصر کو کامیاب نہیں ہونے دیں گے ، کشمیر پاکستان کی شہ رگ ہےایک لمحے کیلئے بھی دور نہیں ہوسکتے ، 22کروڑ پاکستانی کشمیریوں کیساتھ ہیں 5اگست کو یوم استحصال منایا جائے گا۔
انھوں نے مزید کہا کہ آج مسئلہ کشمیر دنیا کا مسئلہ بن چکا عالمی برادری بات کر رہی ہے، بھارت کا کشمیر میں 729 روز سے لاک ڈاؤن انسانی حقوق کا قتل عالم ہے، آج مسئلہ کشمیر پر یورپی پار لیمنٹ سمیت ہرجگہ بات ہورہی ہے،امن کیلئےمسئلہ کشمیر کاحل ،بھارتی دہشتگردی کاخاتمہ لازم ہوچکا ہے۔
گور نر پنجاب کا کہنا تھا کہ مذہبی ہم آہنگی کیلئے تمام علماکو ملکر کام کرنا ہوگا، محرم میں امن وامان یقینی بنانے کیلئے ادارے متحر ک ہیں ، امن دشمنوں کو پہلے بھی ناکام بنایا آئندہ بھی کامیاب نہیں ہونے دیں گے۔