پاک فوج اور ایف سی جنوبی وزیرستان کی خواتین کو روزگار فراہم کرنے کے لئے کوشاں ہے، خواتین نے فری لانسنگ کے ذریعے گھر بیٹھے کمانا شروع کردیا۔
تفصیلات کے مطابق جنوبی وزیرستان میں خواتین کو روزگار فراہم کرنے کے لیے پاک فوج اور ایف سی ساوتھ کے پی کے تعاون سے وانا انسٹی ٹیوٹ آف ٹیکنیکل ٹریننگ کا قیام عمل میں لایا گیا۔
جس میں گھریلو خواتین کو مختلف فری لانسنگ کورسز کروائے جا رہے ہیں، وانا انسٹی ٹیوٹ آف ٹیکنیکل ٹریننگ کے پہلے بیچ میں 60 میں سے 58 طالبات نے مختلف ٹیکنیکل کورسز میں مہارت حاصل کرکے سرٹیفیکیٹس حاصل کیے ہیں۔
پاس شدہ طالبات میں سے چند خواتین نے فری لانسنگ کے ذریعے گھر بیٹھے کمانا بھی شروع کردیا ہے۔
وانا انسٹی ٹیوٹ آف ٹیکنیکل ٹریننگ کے دوسرے بیچ کا آغاز بھی ہو چکا ہے، جس میں مزید 30 طالبات فری لانسگ سیکھ کر آن لائن کمائی کا آغاز کریں گی۔
جنوبی وزیرستان میں خواتین کے لیے ایسے ادارے کا قیام کسی نعمت سے کم نہیں، جو علاقے کی ترقی و خوشحالی کا پیش خیمہ ثابِت ہوگا، خواتین کو باعزت روزگار کی فراہمی ملک کی تیز تر ترقی و خوشحالی کا سبب ہے۔