پاک فوج نے ایک دن کی تنخواہ خیبرپختونخوا کے سیلاب متاثرین کی بحالی کے لیے وقف کردی۔
سیکیورٹی ذرائع کے مطابق فیلڈ مارشل عاصم منیر نے کہا کہ فوج سیلاب متاثرہ عوام کی بحالی میں بھرپور مدد کرے گی، عوام کی مدد کے لیے اضافی فوجی دستے بھی بھیجے جارہے ہیں۔
پاک فوج نے اپنا ایک دن کا راشن سیلاب متاثرہ عوام کی امداد کے لیے مختص کردیا، پاک فوج کا ایک دن کا راشن تقریباً 600 ٹن سے زیادہ بنتا ہے۔
فیلڈ مارشل نے کورآف انجینئرز کو خصوصی ہدایات جاری کی ہیں، پلوں کی مرمت کا کام جلد مکمل، جہاں ضروری ہے عارضی پل قائم کیے جائیں۔
ذرائع کے مطابق آرمی کے نائن یونٹ کے ریسکیو سنیفنگ ڈاگ یونٹ کو بھی سرچ اینڈ ریسکیو کے لیے بھیجا جارہا ہے۔
آرمی کی خصوصی اربن سرچ اینڈ ریسکیو ٹیم بھی فیلڈ مارشل کی ہدایت پر تعینات ہیں، پاک فوج کے ہیلی کاپٹر اور آرمی ایوی ایشن کو پہلے سے ہی متاثرین کی بحالی کے لیے تعینات کردیا گیا تھا۔
سیکیورٹی ذرائع کا کہنا ہے کہ فوج مشکل کی ہر گھڑی میں خیبرپختونخوا کے بہادر عوام کے ساتھ ہے۔