پاکستان ہوم لیگ میں کمبوڈیا کو شکست دے کر فیفا ورلڈ کپ 2026 کے دوسرے راؤنڈ کیلیے کوالیفائی کرنے میں کامیاب ہوگیا۔
پاکستان نے کمبوڈیا کو ایک صفر سے شکست دے دی۔ میچ کا واحد فیصلہ کن گول ہارون حمید نے 68 ویں منٹ میں کیا اور پاکستان کی ورلڈ کپ کے دوسرے راؤنڈ میں جانے کی راہ ہموار ہوئی۔
Winning Moment ❤️.#PAKvCAM | #PAKvsCAM
— Ehtisham Siddique (@iMShami_) October 17, 2023
نگراں وزیر اطلاعات و نشریات مرتضیٰ سولنگی نے اپنے بیان میں کہا کہ عمدہ کھیل پر کمبوڈیا کی ٹیم بھی مبارکباد کی مستحق ہے، آج کھیل اور فٹبال کی فتح ہوئی ہے۔
انہوں نے کہا کہ فٹبال عوام کا کھیل ہے، پاکستان بننے سے پہلے بھی اس کھیل کو اہمیت حاصل تھی، وقت گزرنے کے ساتھ یہ اہمیت کم ہونے لگی جو افسوسناک ہے، بدقسمتی سے ہمارا سیاسی کلچر خراب ہوا ہے۔
مرتضیٰ سولنگی نے کہا کہ کھیلوں میں بھی سیاست آئی ہے، کھیلوں میں سیاست کا عمل دخل ڈراؤنا خواب رہا، پوری کوشش ہے کھیلوں سے سیاست دور رکھیں۔