اسلام آباد : پاکستان میں مہنگائی کی سطح میں نمایاں کمی ریکارڈ کی گئی اور کنزومر پرائس انڈیکس29ماہ کی کم ترین سطح پرآگیا۔
تفصیلات کے مطابق وفاقی حکومت کی بہتر جامع معاشی حکمت عملی کے نتائج سامنے آنا شروع ہوگئے، ملک میں مہنگائی کی سطح میں نمایاں کمی ریکارڈ کی گئی اور کنزیومر پرائس انڈیکس 29ماہ کی کم ترین سطح پرپہنچ گیا۔
اپریل کی نسبت گزشتہ ماہ مئی میں مہنگائی کی شرح میں 3.24فیصدکمی ہوئی جبکہ مئی میں سالانہ بنیادوں پر مہنگائی کی شرح میں 11.76فیصداضافہ ہوا۔
ادارہ شماریات نےماہانہ بنیادوں پر مہنگائی سےمتعلق رپورٹ جاری کر دی ، جس میں بتایا کہ جولائی تا مئی مہنگائی کی شرح 24.52فیصد ریکارڈ کی گئی ، اپریل کی نسبت مئی میں آلو14.73فیصد، گوشت 4.06فیصد مہنگا ہوا۔
ایک ماہ میں انڈے 1.60فیصد ،خوردنی گھی 1.27 فیصد مہنگا ہوا جبکہ خوردنی تیل 1.26 فیصد ،دال ماش 1.06فیصد مہنگی ہوئی۔
رپورٹ کے مطابق ایک ماہ میں ٹماٹر51.23 فیصد، پیاز51.15 فیصد سستا ہوا جبکہ ایک ماہ میں چکن 35.28فیصد ،گندم22.17 فیصد سستی ہوئی۔
ماہانہ بنیادوں پر آٹا20.12 فیصد، پھل 8.06فیصد سستے جبکہ سبزیاں، دال مسور، مصالحے، چاول بھی سستے ہوئے جبکہ یک سال میں میں پیاز 86.64فیصد، ٹماٹر 55.46فیصد مہنگے ہوئے۔
رپورٹ کے مطابق سالانہ بنیادوں پر مئی میں مچھلی 29.64فیصد، سبزیاں 29.26 فیصد مہنگی ہوئیں، ایک سال میں چینی 19.03 فیصد ،گڑ 17.44 فیصد ، دال ماش 22.19فیصد، گوشت 21.67 فیصد مہنگا ہوا ،ادارہ شماریات
ایک سال میں گیس چارجز318.74، بجلی چارجز 58.78 فیصد بڑھے جبکہ ٹرانسپورٹ سروس 32.28 فیصد تک مہنگی ہوئی/
اشیائےخورونوش کی قیمتوں میں کمی سےعوام کی مشکلات میں کمی آئےگی جبکہ عالمی جرائد اور معاشی ماہرین نے ملک میں مہنگائی کم ہونے کی نوید سنادی ہے۔