لاہور: قومی کرکٹ ٹیم کے سابق کپتان شاہد آفریدی نے پاک بھارت کشیدگی پر تبصرہ کرتے ہوئے کہا ہے کہ پاکستان پیار اور عزت دینے والا ملک ہے۔
اپنی جارحانہ بلے بازی کی بدولت شائقین کرکٹ کے دلوں میں راج کرنے والے شاہد آفریدی نے بھی جذبہ خیرسگالی اور امن کا پیغام دے دیا۔
ان کا کہنا تھا کہ پڑوسیوں سے اچھے تعلقات ہونے چاہئیں، وزیراعظم عمران خان اور آرمی چیف نے جو کچھ کہا ہمیں اس پر ثابت قدم رہنا چاہیے۔
کرکٹر کا کہنا تھا کہ بھارتی میڈیا بھی مثبت چہرہ دکھانے میں کردار ادا کرے۔
خیال رہے کہ بھارتی جارحیت کے جواب میں پاکستان کا امن کا پیغام دینے پر پوری دنیا میں ملکی اقدامات کا سراہا جارہا ہے، وزیراعظم عمران خان نے بھارتی پائلٹ کی رہائی کا بھی اعلان کردیا۔
پاک بھارت کشیدگی: وزیر اعظم کا ترک صدر اور ولی عہد یو اے ای سے رابطہ
دوسری جانب اقوام متحدہ کے سیکریٹری جنرل انتونیو گوتریس نے بھی پاکستانی اقدامات کا خیرمقدم کیا اور مذاکرات کے ذریعے معاملے کے حل پر زور دیا۔
علاوہ ازیں امریکی وزیرخارجہ مائیک پومپیو نے کہا کہ پاکستان اور بھارت سے رابطے میں ہیں، جلد تنازعہ حل ہوجائے گا۔