‏’ن لیگ کی وجہ سے پاکستان فیٹف کی گرے لسٹ سے نہیں نکل رہا’‏

معاون خصوصی وزیر اعلیٰ پنجاب حسان خاور نے کہا ہے کہ ن لیگ کی وجہ سے پاکستان ایف اے ٹی ‏ایف کی گرے لسٹ سے نہیں نکل پا رہا۔

لیگی رہنماؤں کی پریس کارنفرنس پر ردعمل دیتے ہوئے حسان خاور نے کہا کہ شہباز اور حمزہ کے ‏خلاف چالان پیش کرنے سےن لیگ کے اوسان خطا ہو گئے چالان کے اندر 100 گواہان کا ذکر ہے جو ‏گواہیاں دیں گے چالان 17 ہزار ٹرانزیکشنز پر تحقیق کر کےبنایا گیا ہے۔

حسان خاور نے کہا کہ ٹرانزیکشنز کو دیکھ کر پتہ چلتاہےکہ کیسے کرپشن اور منی لانڈرنگ کا ‏راستہ نکالا گیا ن لیگ کسی سےتفتیش کرا لے شہباز شریف کا قصور منی لانڈرنگ ہی نکلے گا کوئی ‏جواب نہ بچے تو شخصیات پر کیچڑ اچھال کر بھڑاس نکالتے ہیں۔

انہوں نے کہا کہ احتساب ن لیگ کیلئے ایک ایسا بھیانک خواب ہے جو بہر صورت پورا ہوگا تحریک ‏انصاف حکومت پہلی بارصحت کارڈ اور راشن کارڈ کا انقلابی اقدام لائی، اپوزیشن چاہ کر بھی ‏تحریک انصاف کی مقبولیت بڑھنے سے نہیں روک پا رہی۔

ان کا کہنا تھا کہ پرانا پاکستان صرف ن لیگ چاہتی ہے کیونکہ وہ ان کے لالچ اور کرپشن پر مبنی ‏تھا ن لیگ کی وجہ سے پاکستان ایف اے ٹی ایف کی گرے لسٹ سے نہیں نکل پا رہا نیا پاکستان ‏احتساب اور شفافیت کا نام ہے نیا پاکستان عوامی فلاح کے حقیقی منصوبوں کو متعارف کرانے کا ‏نام ہے۔