اسلام آباد (2 ستمبر 2025): وفاقی وزیر بحری امور جنید انوار چوہدری سے قازقستان کے سفیر یرژان کسٹافین نے ملاقات کی جس میں تجارتی تعاون بڑھانے پر غور کیا گیا۔
قازق سفیر سے ملاقات کے دوران جنید انوار چوہدری نے کہا کہ گوادر بندر گاہوں پر مشترکہ منصوبوں کی تجویز ہے، گوادر فری زونز میں سرمایہ کاری کے امکانات بھی زیر غور آئے۔
جنید انوار چوہدری نے کہا کہ پاکستانی بندر گاہیں قازقستان یلیے ٹرانزٹ ہب بننے کو تیار ہیں، بندر گاہیں وسطی ایشیا کو عالمی منڈیوں سے جوڑیں گی۔
یہ بھی پڑھیں: پاک قازقستان تجارتی معاہدہ، اہم پیشرفت سامنے آگئی
انہوں نے کہا کہ پاکستان کا ہدف خطے کا تجارتی مرکز بننا ہے، دونوں ممالک کا بلیو اکانومی تعاون خطے میں ترقی کی نئی راہیں کھولے گا۔
جبکہ قازق سفیر یرژان کسٹافین کا کہنا تھا کہ پاکستانی تجاویز کا خیر مقدم کیا ہے، ہمارا وزارتی وفد جلد پاکستان آئے گا۔