روس کے قومی پرچم ڈے اور پاکستان وروس کے سفارتی تعلقات کے 75 سال مکمل ہونے پر اسلام آباد میں پاکستان مانومینٹ روسی پرچم کے رنگوں میں نہا گیا۔
اے آر وائی نیوز کے مطابق روسی فیڈریشن کے یوم قومی پرچم اور پاکستان و روس سفارتی تعلقات کے 75 سال مکمل ہونے پر پاکستان مانومینٹ پر ایک رنگارنگ تقریب کا انعقاد کیا گیا جس میں روسی سفیر دانیلہ گنیچ اور روسی سفارتخانہ کے حکام اور عوام نے شرکت کی۔
اس موقع پر پاکستان مانومنٹ اسلام آباد کو روسی پرچم کے رنگوں کی مناسبت سے روشنیوں سے نہلا دیا گیا جب کہ روسی سفیر دانیلہ گینچ نے پاکستانی بچوں اور عوام کے ساتھ روسی پرچم لہرایا۔ عوام کی بڑی تعداد تقریب سے محظوظ ہوئی۔
National Flag Day of Russia – 2023
The Pakistan Monument, Islamabad, 22 August 2023@mfa_russia @ForeignOfficePk pic.twitter.com/0TLdHZVJeF
— RusEmbassy_Pakistan (@RusEmbPakistan) August 22, 2023
دانیلہ گینچ نے گفتگو کرتے ہوئے کہا کہ خوش قسمت ہیں کہ ہمیں پاکستان کے ساتھ کام کرنے کا موقع ملا ہے آج ایک تاریخی موقع ہے کہ اسلام آباد میں روسی پرچم آویزاں کیا گیا ہم نے بھی 14 اگست پر پہلی مرتبہ پاکستانی پرچم ماسکو کی ارباط عمارات پر آویزاں کیا تھا۔
واضح رہے کہ تقریب میں روسی پرچم کے ساتھ پاکستانی پرچم بھی آویزاں کیا جانا تھا تاہم پاکستان مانومینٹ کی انتظامیہ پاکستانی پرچم آویزاں کرنے میں ناکام رہی۔