محکمہ موسمیات نے پاکستان کے مختلف شہروں میں بارشوں کے 8ویں سلسلے کی پیش گوئی کردی۔
اے آر وائی نیوز کے مطابق محکمہ موسمیات کا کہنا ہے کہ خیبرپختونخوا، کشمیر، وسطی پنجاب، خطہ پوٹھوہار اور گلگت بلتستان میں بارش متوقع ہے، موسلادھار بارش سے کئی علاقوں میں طغیانی کا خدشہ ہے۔
چترال، سوات، شانگلہ، بونیر کے ندی نالوں میں طغیانی کا خدشہ ہے، ایبٹ آباد، نوشہرہ، چارسدہ، صوابی کے ندی نالوں میں بھی طغیانی کا امکان ہے۔
محکمہ موسمیات کا کہنا ہے کہ اسلام آباد، راولپنڈی، گلیات، شمال مشرقی پنجاب اور کشمیر کے ندی نالوں میں بھی طغیانی کا خدشہ ہے۔
یہ پڑھیں: آنے والے دو ہفتے خطرناک ہوں گے ، چیئرمین این ڈی ایم اے نے پھر خطرے کی گھنٹی بجادی
اسلام آباد، راولپنڈی، لاہور میں نشیبی علاقے زیر آب آنے اور مری گلیات، آزاد کشمیر، گلگت بلتستان میں لینڈ سلائیڈنگ کا خدشہ ہے۔
علاوہ ازیں سیالکوٹ، سرگودھا، پشاور اور نوشہرہ میں نشیبی علاقے زیر آب آنے کا خدشہ ہے۔
اس سے قبل چیئرمین این ڈی ایم اے نے پھر خطرے کی گھنٹی بجادی اور کہا تھا کہ سندھ، پنجاب اور گلگت بلتستان سے سیلاب کا خطرہ ٹلا نہیں، آنے والے دو ہفتے خطرناک ہوں گے۔