کولمبو: پاکستان شاہینز سری لنکا کو 62 رنز سے شکست دے کر ایمرجنگ ایشیا کپ کے فائنل میں پہنچ گئے۔
کولمبو میں کھیلے گئے میچ میں پاکستان شاہینز نے سیمی فائنل میں پہلے بیٹنگ کرتے ہوئے مقررہ اوورز میں 322 رنز بنائے، سری لنکا اے کو ٹیم ہدف کے تعاقب میں 262 رنز پر ڈھیر ہوگئی۔
اویشکا فرنینڈو اور ساہن کی 97، 97 رنز کی اننگز بھی سری لنکا کو شکست سے نہ بچاسکی۔
Into the #ACCMensEmergingTeamsAsiaCup final! 👊
Arshad Iqbal’s five-wicket haul leads Pakistan Shaheens to a 60-run triumph over Sri Lanka A 👏#BackTheBoysInGreen pic.twitter.com/gqqY6Xq6KD
— Pakistan Cricket (@TheRealPCB) July 21, 2023
پاکستان کی جانب سے ارشد اقبال نے پانچ کھلاڑیوں کو پویلین کی راہ دکھائی، مبصر خان اور سفیان مقیم نے دو، دو وکٹیں حاصل کیں۔
اس سے قبل کپتان محمد حارث نے ٹاس جیت کر پہلے بیٹنگ کرنے کا فیصلہ کیا، قومی ٹیم نے مقررہ 50 اوورز میں 322 رنز بنائے۔
Maiden List A five-wicket haul for @ArshadIqbal32 🌟
He is named player of the match for his exceptional figures of 5-37 👏#BackTheBoysInGreen pic.twitter.com/auyGoL0EVW
— Pakistan Cricket (@TheRealPCB) July 21, 2023
پاکستان کی جانب سے عمر بن یوسف نے 88 رنز کی شاندار اننگز کھیلی جبکہ کپتان محمد حارث 52 اور مبصر خان 42 رنز بناکر نمایاں رہے، دیگر کھلاڑیوں میں صائم ایوب 22، صاحبزادہ فرحان 12، طیب طاہر 26، قاسم اکرم 8، عماد بٹ 7 جبکہ محمد وسیم جونئیر 24 رنز بناسکے۔
سری لنکا کی جانب سے لاہیرو سماراکون، پرمود مدوشن اور چمیکا کرونارتنے نے 2،2 جبکہ ڈینوتھ ویلانگے ایک وکٹ حاصل کی۔
واضح رہے کہ فائنل میں پاکستان کا مقابلہ بھارت سے ہوگا۔