پاکستان دنیا کے مہنگے ترین ممالک کی فہرست چھٹے نمبر پر آگیا جبکہ وینزویلا دنیا کا سب سے مہنگا ترین ملک قرار دیا گیا۔
تفصیلات کے مطابق ورلڈ آف اسٹیٹسٹکس نے دنیا کے مہنگے ترین ممالک کی فہرست جاری کر دی، جس میں وینزویلا دنیا کا سب سے مہنگا ترین ملک قرار دیا گیا تاہم پاکستان چھٹے نمبر پر ہے۔
ورلڈ آف اسٹیٹسٹکس کا کہنا ہے کہ وینزویلا میں مہنگائی بڑھنے کی شرح 436 فیصد ہے جبکہ پاکستان میں مہنگائی کی شرح 38 فیصد ہے۔
ورلڈ آف اسٹیٹسٹکس کا کہنا تھا کہ مہنگے ملکوں کی فہرست میں لبنان دوسرے جبکہ شام تیسرے نمبر پر ہے۔
فہرست میں چوتھا نمبر ارجنٹینا کا ہے، جہاں مہنگائی بڑھنے کی شرح 114 فیصد ہے جبکہ پانچواں نمبر ترکی کا ہے جہاں مہنگائی کی شرح 39 اعشاریہ 59 فیصد ہے۔
مہنگے ملکوں کی فہرست میں برطانیہ میں مہنگائی بڑھنے کی شرح 8.7 فیصد، بھارت میں 4.24 جبکہ سعودی عرب میں 2.8 فیصد ہے۔ورلڈ آف اسٹیٹسٹکس نے مزید کہا کہ افغانستان میں مہنگائی ایک فیصد کم ہوئی ہے۔