پاکستان اسٹاک ایکسچینج میں کاروبار کے مثبت اختتام پر تاریخ رقم ہوگئی۔
اے آر وائی نیوز کے مطابق پاکستان اسٹاک ایکسچینج میں کاروبار کا اختتام ہوگیا، 100 انڈیکس 186 پوائنٹس اضافے کے ساتھ 59 ہزار 86 پر بند ہوا۔
100 انڈیکس نے 59 ہزار 502 پوائنٹس کی بلند سطح عبور کی ہے جبکہ مارکیٹ میں 21 ارب روپے کے 63 کروڑ شیئر کا کاروبار ہوا۔
164 کمپنیوں کے شیئرز میں اضافے کے بعد 202 کے شیئر کم ہوئے۔
ملک بھر میں سونے کی قیمت میں معمولی کمی دیکھی گئی۔
آل پاکستان جیمز اینڈ جیولرز ایسوسی ایشن کے مطابق ملک بھر میں سونے کی فی تولہ قیمت 150 روپے کم ہو کر 2 لاکھ 15ہزار 700 روپے ہوگئی۔
ایسوسی ایشن کے مطابق اسی طرح 10 گرام سونے کا بھاؤ 129 روپے کم ہوا ہے جس کے بعد 10 گرام سونا مارکیٹ میں ایک لاکھ84 ہزار 928 روپے کا ہوگیا ہے۔
دوسری جانب عالمی بازار میں سونے کا بھاؤ 3 ڈالر کم ہوکر 1993 ڈالر فی اونس ریکارڈ کیا گیا ہے۔