کاروباری ہفتے کے دوسرے روز بھی اسٹاک ایکسچینج میں زبردست تیزی رہی جبکہ سونے کی قیمت میں اضافے کا سلسلہ جاری ہے۔
پاکستان اسٹاک مارکیٹ میں زبردست تیزی دیکھی گئی، ہنڈریڈ انڈیکس 668 پوائنٹس اضافے کے ساتھ 90 ہزار 864 پوائنٹس کی بلند ترین سطح پر بند ہوا۔
دوران کاروبار 1163 پوائنٹس کا اضافہ دیکھا گیا۔
ماہرین کا کہنا ہے کہ گزشتہ سہ ماہی میں اسٹاک میں رجسٹرڈ کمپنیوں کے منافع میں بہتری آئی ہے۔
دوسری جانب ملک بھر میں سونے کی قیمت میں اضافے کا سلسلہ جاری ہے۔
آل پاکستان جیمز اینڈ جیولر ایسوسی ایشن کے مطابق ملک بھر میں سونے کی قیمت میں 1600 روپے فی تولہ اضافہ ہوا ہے جس کے بعد فی تولہ سونا 2 لاکھ 85 ہزار روپے کا ہوگیا۔
اسی طرح 10 گرام سونے کا بھاؤ 1372 اضافے کے بعد 2 لاکھ 44 ہزار 342 روپے میں فروخت ہو رہا ہے۔
عالمی بازارمیں سونے کا بھاؤ 16 ڈالر اضافے سے 2755 ڈالر فی اونس ہے۔
Currency Rates in Pakistan Today- پاکستان میں آج ڈالر کی قیمت
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔