ARYNews.tv | Urdu – Har Lamha Bakhabar

ورلڈ کپ میں پاکستانی ٹیم پر دوسری بار جرمانہ

Written by

ویب ڈیسک

in

,

بھارت میں جاری ون ڈے ورلڈ کپ میں پاکستان کرکٹ ٹیم کو سلو اوور ریٹ پر آئی سی سی نے دوسری بار جرمانہ عائد کیا ہے۔

انٹرنیشنل کرکٹ کونسل (آئی سی سی) نے ہفتہ کو بنگلورو میں کھیلے گئے نیوزی لینڈ کے خلاف میچ میں سلو اوور ریٹ پر پاکستانی ٹیم پر جرمانہ عائد کر دیا ہے۔

مذکورہ میچ میں گرین شرٹس بولنگ میں مقررہ وقت سے 2 اوورز پیچھے رہے جس کے باعث آئی سی سی نے قومی ٹیم پر 10 فیصد میچ فیس کا جرمانہ عائد کیا ہے۔

 

واضح رہے کہ اس سے قبل جنوبی افریقہ کے خلاف میچ میں بھی پاکستان کو سلو اوور ریٹ پر جرمانہ عائد کیا جا چکا ہے۔

28 اکتوبر کو چنئی میں کھیلے گئے میچ میں پاکستان نے جنوبی افریقہ بیٹنگ کے خلاف مقررہ وقت میں چار اوورز کم کرائے تھے جس کے باعث آئی سی سی نے قومی ٹیم پر میچ فیس کا 20 فیصد جرمانہ عائد کیا تھا۔

واضح رہے کہ پاکستان نے گزشتہ روز نیوزی لینڈ کے خلاف شاندار فتح حاصل کرکے ورلڈ کپ میں سیمی فائنل کھیلنے کے اپنے امکانات کو برقرار رکھا ہے تاہم صورتحال میں ابھی بھی اگر مگر کی تکرار موجود ہے۔

More posts