لاہور: پاکستان ویمن ٹیم نے بنگلہ دیش کی ٹیم کو ٹی 20 سیریز میں کلین سوئپ کردیا، بنگلہ دیش کی جہاں آرا عالم اور بسمہ معروف کو مشترکہ طور پر ویمن آف دی سیریز کا ایوارڈ دیا گیا۔
تفصیلات کے مطابق پاکستان ویمن کرکٹ ٹیم نے ہوم گراؤنڈ پر شاندار پرفارمنس کا مظاہرہ کرتے ہوئے بنگلہ دیش کو ٹی 20 سیریز میں کلین سوئپ کردیا، جویریہ خان میچ کی بہترین کھلاڑی قرار پائیں۔
قذافی اسٹیڈیم میں کھیلے جانے والے آخری ٹی 20 میچ میں گرین شرٹس نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 117 رنز بنائے، جویریہ خان نے 48 گیندوں پر 54 رنز کی شاندار اننگز کھیلی۔
Players of the Series, Jahanara Alam 🇧🇩 and @maroof_bismah 🇵🇰
👏👏👏#PAKWvsBANW #BackOurGirls pic.twitter.com/eqjuoQmAOW
— Pakistan Cricket (@TheRealPCB) October 30, 2019
بنگلہ دیش کی جانب سے جہاں آرا عالم نے تین اور رومانہ احمد نے 2 کھلاڑیوں کو پویلین کی راہ دکھائی۔
بنگلہ دیش کی ٹیم 118 رنز ہدف کے تعاقب میں مقررہ اوورز میں 8 وکٹوں کے نقصان پر 89 رنز بناسکی اور میچ پاکستان نے 28 رنز سے جیت لیا۔
بنگلہ دیش کی نگار سلطانہ 30 رنز بنا کر نمایاں رہیں، پاکستان کی صبا نذیر اور انعم امین نے دو، دو وکٹیں حاصل کیں۔
پاکستان اور بنگلہ دیش ویمن ٹیموں کے درمیان 2 میچوں پر مشتمل ون ڈے سیریز 2 اور 4 نومبر کو قذافی اسٹیڈیم لاہور میں کھیلی جائے گی۔