کراچی: فضائی امور پر نظر رکھنے والے ادارے سول ایوی ایشن نے جناح انٹرنیشنل ائیرپورٹ پر فلائٹ آپریشن جزوی طور پر بحال کردیا۔
سول ایوی ایشن کے ترجمان کی جانب سے جاری ہونے والے اعلامیے کے مطابق کراچی جناح انٹرنیشنل ائیرپورٹ پر فلائٹ آپریشن جزوی طور پر بحال ہوا جس کے بعد دو غیرملکی پروازیں بیرونِ ملک روانہ ہوئیں۔
ترجمان سول ایوی ایشن کے مطابق فلائٹ نمبر WY324 KHI MCT# اور EK601 KHI DXB# کراچی ائیرپورٹ سے مسافر لے کر مسقط اور دوسری دبئی روانہ ہوئی۔
Pakistani airspace has partially restored, starting with #Jinnah International Airport of Karachi.
Following flights have departed, #WY324 KHI MCT#EK601 KHI DXB
More to follow. North East & North Western airspace remains closed until further notice.#ThankYouSherDils 🇵🇰
— CAA Pakistan (@AirportPakistan) February 27, 2019
سی اے اے کے مطابق شمال مغربی اور شمال مشرقی علاقوں سے آنے والی پروازوں کا آپریشن تاحکم ثانی معطل رہے گا۔ یاد رہے کہ پاک بھارت کشیدگی کے باعث لاہور، اسلام آباد، کراچی اور کوئٹہ سے تمام پروازوں کے لیے آپریشن معطل کیا گیا۔
مزید پڑھیں: بھارتی شر انگیزی کے پیش نظر پاکستان کی فضائی حدود کل رات 12 بجے تک کے لیے بند
بھارت کی جانب سے سرحدی خلاف ورزی اور پاکستان کی زبردست جوابی کارروائی کے بعد کشیدہ صورتحال کے پیش نظر پاکستان کی فضائی حدود بند کی گئی۔
سول ایوی ایشن اتھارٹی (سی اے اے) نے پاکستان کی فضائی حدود بند ہونے کا باقاعدہ ناٹم جاری کیا جس کے ذریعے تمام ملکی و غیر ملکی ایئر لائنوں کو آگاہ کیا گیا۔
حکم نامہ جاری ہوتے ہی لاہور، اسلام آباد، کراچی اور کوئٹہ سمیت ملک بھر کے تمام ایئرپورٹس پر فضائی آپریشن معطل کیا گیا ہے۔ پی آئی اے سمیت دیگر ایئر لائنوں نے مسافروں کو بھی آگاہ کردیا گیا۔