بنکاک(31 اگست 2025): پاکستانی پروفیشنل باکسر عثمان وزیر نے اپنے کیریئر کی 17 ویں فائٹ جیت لی۔
پاکستانی پروفیشنل باکسر عثمان وزیر (جسے ایشین بوائے بھی کہا جاتا ہے) نے تھائی لینڈ کے بنکاک میں ورلڈ سائم اسٹیڈیم میں انڈونیشین باکسر فرڈیننڈس کو شکست دے کر اپنی کیریئر کی 17ویں فائٹ جیت لی۔
یہ فائٹ ٹیکنیکل ناک آؤٹ کے ذریعے ختم ہوئی جس کے نتیجے میں عثمان وزیر سلور ویلٹر ویٹ چیمپئن بن گئے، یہ ان کی 17ویں مسلسل جیت ہے اور یہ فائٹ 168 ممالک میں براہ راست نشر کی گئی جو پاکستان کے باکسنگ کیریئر میں ایک تاریخی لمحہ ہے۔
عثمان وزیر نے یہ جیت پاکستان میں حالیہ سیلاب کے متاثرین کو وقف کی اور کہا کہ الحمدللہ 17-0 اور نیا سلور ٹائٹل چیمپئن بن گیا، یہ فائٹ پاکستان کے سیلاب متاثرین کے لیے وقف کرتا ہوں۔
واضح رہے کہ یہ جیت ان کی پچھلی کامیابیوں کی تسلسل ہے، جہاں انہوں نے مارچ 2025 میں 15ویں فائٹ اور اپریل 2025 میں بھارتی باکسر ایسوارن کو پہلے راونڈ میں (1 منٹ 41 سیکنڈز میں) شکست دی تھی، جو ان کی 16ویں جیت تھی۔