اسلام آباد (14 جولائی 2025) : پاکستانی فری لانسرز نے سالانہ500 ملین ڈالرز زرمبادلہ کمانے کا ریکارڈ بنالیا۔
تفصیلات کے مطابق پاکستانی فری لانسرز نے ایک اور اہم سنگ میل عبور کرلیا اور سالانہ 500 ملین ڈالرز زرمبادلہ کمانے کا ریکارڈ بنادیا۔
پاکستان کی فری لانس کمیونٹی قومی معیشت کو مضبوط اور خود کفیل بنانے میں اہم کردار ادا کررہی ہے۔
ملک بھرمیں فعال بیس لاکھ سے زائد فری لانسرزملین ڈالرز کا زرمبادلہ کما کر پاکستان کے لیےایک بڑی معاشی کامیابی کی بنیادرکھ رہے ہیں۔
حکومت پاکستان کی جانب سے اس شعبےکومزیدفروغ دینےکےلیےاہم اقدامات جاری رہیں، ڈیجیٹل یوتھ ہب پروگرام کےتحت ملک بھر میں ڈھائی سوای روزگار مراکز قائم کیے جا رہے ہیں۔
یہ مراکز نہ صرف ہنر سکھائیں گے بلکہ لاکھوں نوجوانوں کوڈیجیٹل معیشت کا فعال حصہ بنائیں گے۔
چیئرمین پرائم منسٹریوتھ ہب کے مطابق حکومت پاکستان اور یونیسیف کےاشتراک سے نوجوانوں کوتعلیم،فری لانسنگ اورانٹرپرینیور شپ کےعالمی مواقع سےجوڑنےکیلئےمزیدپروجیکٹس پربھی کام جاری ہے۔
یہ سنگ میل نہ صرف معیشت کے لیے ایک نیا باب ہے بلکہ پاکستان کوڈیجیٹل پاورہاؤس بنانےکی جانب بھی ایک اہم پیش رفت ہے۔