پاکستانی پاسپورٹ کی عالمی درجہ بندی میں بہتری آگئی، گرین پاسپورٹ کی درجہ بندی 2021 کے بعد سب سے بلند مقام پر پہنچ گئی ہے۔
ہینلی پاسپورٹ انڈیکس کی جانب سے بتایا گیا ہے کہ پاکستان کا پاسپورٹ اب پہلے سے بہتر درجے پر آچکا، 2025 میں پاکستانی پاسپورٹ نے اہم سنگ میل حاصل کرتے ہوئے دنیا کے ٹاپ 100 پاسپورٹس میں شامل ہونے کا اعزاز حاصل کرلیا ہے۔
پاکستانی پاسپورٹ عالمی درجہ بندی میں 2021 میں 113ویں نمبر پر تھا، تاہم اب گرین پاسپورٹ کو درجہ بندی میں ٹاپ 100 پاسپورٹس کے اندر رکھا گیا ہے۔
پاکستانی پاسپورٹ پر بیرون ملک جانیوالے 2 افغان مسافر گرفتار
رپورٹ میں بتایا گیا کہ اس وقت پاکستان کو پہلے سے زیادہ ممالک ویزا فری اور ویزا آن ارائیول کی سہولت دے رہے ہیں۔
خرم شہزاد کا کہنا ہے کہ پاسپورٹ درجہ بندی میں بہتری بین الاقوامی اعتماد کا ثبوت ہے، درجہ بندی میں بہتری پاکستان کی سفارتی کوششوں کا ثبوت ہے، رپورٹ عالمی سطح پر پاکستان کی رسائی اور ساکھ میں بہتری کا اشارہ ہے۔
ان کا مزید کہنا تھا کہ پاکستانی شہریوں کو دنیا تک رسائی میں آسانی ہوگی، سفارتکاری میں پاکستان کے مقام کو مزید مستحکم کرنے کی سمت مؤثر قدم ہے۔
https://urdu.arynews.tv/pakistans-passport-secures-spot-in-top-100-with-32-visa-free-countries/