ایشیا کپ کے لیے بھارتی ٹیم کی جرسی میں پہلی بار پاکستان کا نام شامل ہے جس کی تصویر سوشل میڈیا پر وائرل ہورہی ہے۔
سماجی رابطے کی ویب سائٹ ٹوئٹر پر ایشیا کپ کے لیے تیار کی گئی بھارتی ٹیم کی جرسی کی تصویر وائرل ہورہی ہے جس میں ’ایشیا کپ 2023 پاکستان‘ لکھا واضح طور پر دیکھا جاسکتا ہے۔
تصویر میں بھارتی کپتان روہت شرما اور ویرات کوہلی موجود ہیں ساتھ ہی پاکستان کا نام بھی لکھا ہے۔
وائرل تصویر کی اب تک تصدیق نہیں کی جاسکی ہے تاہم امکان یہی ہے کہ بھارتی ٹیم ایشیا کپ میں پاکستان کے نام سے سجی جرسی پہن کر میدان میں اترے گی۔
Pakistan Will be Written on Team India's Jersey For First Time Ever As Pakistan Is Hosting Asia Cup 2023 #INDvsPAK #gadar #Don3 #flyingkiss #omg2 pic.twitter.com/KI7LbZM5Lg
— Sanyam Himalia (@sanyamhimalia) August 9, 2023
واضح رہے کہ ایونٹ میں شامل تمام ٹیموں کیلئے جرسی پر ایشیا کپ کے لوگو کے ساتھ میزبان کا نام درج ہونا ضروری ہے، بھارتی ٹیم کی جرسی پر پاکستان کا نام بھی اسی لیے درج ہوسکتا ہے۔
یاد رہے کہ ایشیا کپ 2023 کا آغاز 30 اگست کو ملتان اسٹیڈیم میں پاکستان اور نیپال کے درمیان کھیلے گئے میچ سے ہوگا۔
ایشیا کپ کیلئے سری لنکا کو پاکستان کے شریک میزبان کے طور پر منتخب کیا گیا ہے اور بھارتی ٹیم بھی اپنے میچز نیوٹرل وینیوز یعنی سری لنکا میں کھیلے گی۔