لاہور: بنگلا دیش کے خلاف دوسرے ٹیسٹ کے لیے پاکستان کے 12 رکنی اسکواڈ کا اعلان کردیا گیا ہے۔
پی سی بی کی جانب سے کل سے شروع ہونے والے دوسرے ٹیسٹ میچ کے لیے 12 رکنی اسکواڈ کا اعلان کردیا گیا ہے، اسپنر ابرار احمد اور میر حمزہ کی ٹیم میں واپسی ہوئی ہے۔
شان مسعود ٹیم کی قیادت کریں گے، سعود شکیل نائب کپتان ہوں گے۔
صائم ایوب اور عبداللہ شفیق بنگلا دیش کے خلاف اننگز کا آغاز کریں گے، مڈل آرڈر بیٹرز میں بابر اعظم، سلمان علی آغا، اور محمد رضوان شامل ہیں۔
قومی ٹیم ایک مرتبہ پھر چار فاسٹ بولرز کے ساتھ میدان میں اترے گی جن میں نسیم شاہ، محمد علی، خرم شہزاد اور آل راؤنڈر میر حمزہ شامل ہیں۔
ابرار احمد اپنی گھومتی گیندوں سے حریف بیٹرز کی وکٹیں اڑانے کے لیے پرعزم ہیں۔
قومی ٹیم کا 12 رکنی اسکواڈ
شان مسعود کپتان ہیں، سعود شکیل نائب کپتان ہوں گے، دیگر کھلاڑیوں میں ابرار احمد، محمد علی، سلمان علی آغا، صائم ایوب، بابر اعظم، میر حمزہ، محمد رضوان، عبداللہ شفیق، نسیم شاہ اور خرم شہزاد شامل ہیں۔
واضح رہے کہ دو ٹیسٹ میچز کی سیریز میں بنگلا دیش کو 1-0 کی برتری حاصل ہے، پہلے ٹیسٹ میچ میں بنگلا دیش نے پاکستان کو 10 وکٹوں سے شکست دی تھی۔