ایشیا کپ کے اہم معرکے میں پاکستان کے خلاف بھارت کی چار وکٹیں 66 رنز پر گر گئیں۔
سماجی رابطے کی ویب سائٹ ٹوئٹر پر قومی ٹیم کے سابق فاسٹ بولر شعیب اختر نے ویڈیو شیئر کرکے لکھا ہے کہ ’کتنے آدمی تھے۔‘
ویڈیو میں شعیب اختر نے کہا کہ ’کتنے لوگ تھے بھائی تین، تین میں دو تو شاہین شاہ کھا گیا، ویلڈن، شاہین اور حارث، پریشر برقرار رکھنا بہت ضروری ہے۔
Kitnay aadmi thay? pic.twitter.com/Joe6xyFvlg
— Shoaib Akhtar (@shoaib100mph) September 2, 2023
شعیب اخترنے لکھا کہ یہ پاکستان کی بولنگ اور بھارتی بیٹنگ کا مقابلہ ہے۔
واضح رہے کہ بھارت نے 26 اوور میں 4 وکٹوں کے نقصان پر 134 رنز بنالیے ہیں، ایشان کشن 48، پانڈیا 32 رنز کے ساتھ کریز پر موجود ہیں۔
اس سے قبل روہت شرما 11، شبھمن گل 10، ویرات کوہلی 4 اور شریاس ایئر 14 رنز بنا کر پویلین لوٹ گئے تھے۔
پاکستان کی جانب سے شاہین شاہ آفریدی اور حارث رؤف نے دو، دو وکٹیں حاصل کیں۔