غزہ میں اسرائیلی طیاروں کی بمباری میں خاتون ڈاکٹر کے شوہر شہید ہوگئے، خاتون کی ویڈیو نے سوشل میڈیا صارفین کے دل پگھلا دیے۔
فلسطین کے شہر غزہ میں زخمیوں کا علاج کرنے والی خاتون ڈاکٹر اسرائیلی طیاروں کی بمباری میں شوہر کی شہادت کی خبر سن کر بیٹی سے لپٹ کر آبدیدہ ہوگئیں۔
غزہ کے اسپتال میں زخمیوں کا علاج کرنے والی خاتون ڈاکٹر کی دل پگھلا دینے والی ویڈیو وائرل ہوگئی۔
فلسطینی میڈیا رپورٹس کے مطابق خاتون ڈاکٹر غزہ کے اسپتال میں زخمیوں کے علاج میں مصروف تھیں کہ اسرائیلی بمباری میں شوہر کی شہادت کی خبر ملی۔
ویڈیو میں دیکھا جا سکتا ہے کہ خاتون شوہر کے انتقال کی خبر پاکر روتے ہوئے اسپتال کے صحن میں جا رہی ہیں۔
Watch: The moment a Palestinian nurse receives the news that her husband was killed by an Israeli airstrike. #Israel #Palestine #Gaza pic.twitter.com/BasVVLg2v9
— Al Arabiya English (@AlArabiya_Eng) October 9, 2023
واضح رہے کہ اسرائیلی فورسز کی جانب سے غزہ پر ہر تھوڑی دیر میں بم برسائے جا رہے ہیں اور زخمیوں کی بڑی تعداد غزہ کے اسپتالوں میں لائی جار ہی ہے۔
اسرائیل کی جانب سے غزہ پر فضائی حملے جاری ہیں اور اب تک کی اطلاعات کے مطابق اسرائیلی حملوں میں 560 فلسطینی شہید اور 2900 زخمی ہوچکے ہیں۔