’پرورش‘ میں ’باس‘ کی موت نے ناظرین کو رُلا دیا

اے آر وائی ڈیجیٹل کے ڈرامہ سیریل ’پرورش‘ میں ’باس‘ کی موت نے ناظرین کو رُلا دیا۔

ڈرامہ سیریل ’پرورش‘ میں عینا آصف اور ثمر جعفری مرکزی کردار ادا کررہے ہیں جبکہ ابو الحسن (سمیر) اور ریحام رفیق (امل) کے کردار میں موجود ہیں گزشتہ قسط میں فہد مصطفیٰ کی بھی سرپرائز انٹری ہوئی تھی۔

ڈرامے کی کاسٹ میں سویرا ندیم، نعمان اعجاز، سعد ضمیر، شمیم ہلالی، بختاور مظہر، نورے ذیشان، حلیمہ علی، ثمن انصاری، ارشد محمود ودیگر شامل ہیں۔

پرورش کی ہدایت کاری کے فرائض میثم نقوی نے انجام دیے ہیں جبکہ اس کی کہانی کرن صدیقی نے لکھی ہے۔

گزشتہ قسط میں دکھایا گیا جب ولی اور سمیر ’باس‘ کے میوزک روم میں داخل ہوتے ہیں تو وہ کرسی پر بیٹھے بیٹھے انتقال کرجاتے ہیں جسے ناظرین کو رلا دیا ہے۔

ولی اپنے باس کی وہ بات یاد کرتے ہوئے افسردہ ہوجاتا ہے جب وہ کہتے ہیں میں اپنے میوزک اسٹوڈیو میں ماسٹر پیس بناتے ہوئے مرنا چاہتا ہوں۔

پرورش کی آخری قسط میں کیا ولی گھر واپس آجائے گا؟ یہ دیکھنے کے لیے آپ کو پیر کی رات 8 بجے تک انتظار کرنا ہوگا۔