پتوکی(25 اگست 2025): پتوکی کے نواحی علاقے کوٹ سردار کاہن سنگھ میں لڑکی سے مبینہ زیادتی کا مقدمہ درج کر لیا گیا۔
تفصیلات کے مطابق پتوکی کے نواحی علاقے سرائے مغل میں لڑکی سے مبینہ زیادتی کا واقعہ پیش آیا ہے جس کا مقدمہ درج کرلیا گیا ہے، حمزہ نامی ملزم نے لڑکی سے مبینہ زیادتی کی ویڈیو بھی بنائی۔
ایف آئی آر کے متن کے مطابق ملزم حمزہ ویڈیو وائرل کرنے کی دھمکی دے کر لڑکی سے زیادتی کرتا رہا اور ملزم کے ساتھی اختر اور ابرار نے اس کے کہنے پر ہی ویڈیو وائرل کی۔
ایف آئی آر کے مطابق لڑکی نے زیادتی سے متعلق اپنی والدہ کو آگاہ کیا، سرائے مغل پولیس نے لڑکی کے والد کی مدعیت میں مقدمہ درج کرلیا تاہم پولیس کا کہنا ہے کہ ملزم عبوری ضمانت پر ہے۔