ARYNews.tv | Urdu – Har Lamha Bakhabar

اعظم خان کو جرمانہ کرنے پر پی سی بی کیخلاف کارروائی کا مطالبہ

Written by

وقاص صفدر

in

,

فلسطین کی حمایت پر اعظم خان پر ہونے والے جرمانہ کے خلاف پی سی بی کو سخت تنقید کا نشانہ بنایا جارہا ہے۔

نیشنل ٹی ٹوئنٹی کے میچ میں بیٹ پر اعظم خان نے فلسطین کے جھنڈے کا اسٹیکر لگایا تھا جس پر پی سی بی نے اعظم خان پر 50 فیصد میچ فیس کا جرمانہ عائد کردیا ہے۔

https://urdu.arynews.tv/supporting-palestine-during-match-action-against-azam/

اعظم خان نے لاہور بلوز کے خلاف میچ میں بیٹ پر اسٹیکر لگایا ہوا تھا۔ پی سی بی کا کہنا ہے کہ ٹی ٹوئنٹی کپ آئی سی سی قوانین کے تحت ہو رہا ہےاس لیے جرمانہ عائد کیا گیا۔

پی سی بی کے اس اقدام پر عوام نے سخت ردعمل دیتے ہوئے بورڈ کے اقدام کو شرمناک قرار دیا ہے۔ عوامی حلقوں، سوشل میڈیا صارفین اور شائقین کرکٹ نے جذبات مجروح کرنے پر بورڈ کے خلاف کارروائی کا مطالبہ کیا ہے۔

جماعت اسلامی کے سینیٹر مشتاق احمد خان نے سوال اٹھایا کہ کیا پی سی بی بتا سکتا ہے کہ کس قانوں کے تحت اعظم خان کو پریشرائز کیا گیا اور جرمانہ کیا گیا؟

انہوں نے کہا کہ فلسطین کے لئے حمایت ایک عالمی آواز اور انسانی ضمیر کی پکار ہے،جن آفیشلز نے یہ مجرمانہ حرکت کی ہے انہوں نے پاکستانی عوام کے جذبات شدید مجروح کئے ہیں، ان کیخلاف فوری ایکشن کا مطالبہ کرتا ہوں۔

واضح رہے کہ آئی سی سی کوڈ کا تعلق میدان میں ہونے والی سرگرمیوں سے ہے اور گراونڈ سے باہر کی کارروائیاں اس کے دائرہ اختیار سے باہر ہوتی ہیں۔

More posts